Deputeti i PD-së Flamur Noka ka reaguar sot për deklaratën e ministrit të Brendshëm Saimir Tahiri, kundër Presidentit të Republikës, Bujar Nishani.
Sipas Nokës, “Këlyshi i Shullazit, përdori një fjalor si banda e Milit… sepse gjysma e bandës gjendet brenda”.
“Këlyshi i Shullazit, Saimir Tahiri sulmoi sot Presidentin e Republikës me etiketimet që përdoren zakonisht në bandën e Milit ku ai bën pjesë. Si ushtar krenar i Shullazit që është, Tahiri shkrehu sot armët ndaj kreut të shtetit, i cili bëri të ditur nje fakt tronditës së informacioni për 1000 oficere policie të inkriminuar gjendet ne tavolinën e ministrit të Brendshëm. Por ministri i Brendshëm është në ethe të rënda sepse gjysma e bandës ku bën pjesë gjendet brenda. Dhe shpejt banda do bashkohet pikërisht per shkak të inkriminimit që denoncon Presidenti. Ndaj s’duron dot këlyshi i Shullazit kur dëgjon fjalën inkriminim e nxjerr putrat nga zemërimi”, u shpreh Noka.
“Këlyshi i Shullazit nën ethe, sulmon Presidentin e Republikës”
