Xhihadisti John personi që priste kokat e perëndimorëve në Siri përpara se të kthehej në njeriun më të kërkuar të botës, ka qëndruar 5 javë në Shqipëri, shkruhet në revistën Dar al Islam.
Zbriti në Rinas me një pasaportë të falsifikuar franceze dhe po atë natë ka marrë një dhomë në një hotel në Tiranë.
Gjatë qëndrimit në kryeqytetin shqiptar ai ka pasur lidhje me shqiptarë, lidhje të sugjeruara nga Britania. Fillimisht me një kontakt në Tiranë që kishte premtuar se do i kalonte për në Turqi.
Xhihadisti John ka bërë përpjekje që të largohej sa më shpejt nga Tirana por nuk ka arritur, duke zgjedhur në fund kalimin klandestin për në Greqi e më pas në Turqi. “Kërkuam për rrugë për të kaluar në mënyrë klandestine kufirin. Opsioni mbeti të kërkonim një lidhje në xhami. Takoheshim cdo ditë. Për 5 javë mbetëm në këtë situatë dhe cdo javë qëndronim në hotel”, tregon një prej miqve të John.
Pas 5 javësh qëndrimi në Tiranë ata udhëtuan për në Korcë për të kaluar më pas kaloi në Greqi në mënyrë klandestine në këmbim të 1000 eurove për person.
U sistemuan në një fshat të Korcës një ditë para se të linin Shqipërinë dhe në ndarje me kontaktin në Tiranë i lanë atij edhe numrin e telefonit.
