Ne foto vendi ku u gjet trupi i viktimes Vasil Biba
Policia e Tiranës ka arritur të identifikojë vrasësin e ndërtuesit Vasil Biba rreth tre muaj pas gjetjes së kufomës së tij në Dajt.
Ai është Bledar Mneri, person i skeduar nga policia me precedentë të mëparshëm penalë.
Kufoma e 36-vjeçari Vasil Biba u gjet nga një bari më 14 shkurt të këtij viti.
Personi rezultonte i zhdukur që dy muaj para se të gjendje i vdekur pasi kishte mashtruar shumë persona. Emri i tij figuronte në kërkim për akuzën e mashtrimit financiar.
Në hetime rezultonte se i ekzekutuari pak muaj më parë i kishte shitur të njëjtët apartamente më shumë se një personi.
Ai u egzektua me armë. Ekspertët kriminalistë gjetën se viktima ishte qëlluar me dy plumba pistolete 9 milimetër, në kokë dhe në zemër.
Biba ishte dënuar dy herë nga Gjykata gjatë vitit 2015, për fshehje të të ardhurave si administrator i një kompanie private dhe për drejtim të mjetit pa patentë. Për të dy veprat ai ishte dënuar me dy vjet burg, por për shkak të gjykimit në gjendje të lirë ishte fshehur dhe rezultonte i shpallur në kërkim.
Ai po hetohej edhe për disa kontrata fiktive në shitjen e disa apartamenteve në Tiranë.
Vasil Biba me origjine nga Pogradeci rezultonte i humbur që në muajin dhjetor të 2015, pas një denoncimi te bere nga bashkëshortja në policinë e Tiranës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
