Kritika të forta për drejtuesit e policisë nuk ka vetëm opozita por edhe Drejtori i Përgjithshëm i Policisë, Haki Çako.
Pavarësisht se tingëllon absurde një porosi e tillë për policët, sot kreu i uniformave blu është detyruar të kërkojë prej vartësve të tij të mos shoqërohen me kriminelët.
Kjo është porosia më e panatyrshme që mund t’u thuhet policëve. Ata e kanë për detyrë të ndjekin kriminelët, ti luftojnë ata, ti kapin dhe ti cojnë në burg. Në momentin kur shoqërohen me ta policia ka marrë fund dhe fuqinë e ka krimi.
Cako tha se të gjithë oficerët për të cilët do të verifikohen lidhje apo shoqërime me persona të inkriminuar do të ketë pezullime. “Në fillim do të shkoni ju në burg!”, mësohet e u ka thënë oficerëve të lartë.
Ndërkaq shefi i policisë shqiptare ka paralajmëruar masa të rrepta për të gjithë policët që nuk informojnë për mbjelljen dhe kultivimin kanabisit.
Prej disa ditësh opozita ka nisur një seri denoncimesh për oficerë të niveleve të ndryshme të policisë që shoqërohen apo ndihmojnë kriminelë dhe grupe kriminale në trafiqe, vrasje dhe kërcënime.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
