Foto, ministri i Brendshëm Saimir Tahiri
Ministri i Brendshëm Saimir Tahiri, për të disatën herë ka qenë sërish sot te Shkolla e Policisë. Duke përdorur si pretekst fillimin e kursit Bazë të radhës të Patrullës së Përgjithshme në Akademinë e Sigurisë, ministri ka bërë edhe rolin e komisarit politik të kësaj shkolle.
“Krimi nuk është e vetmja e keqe, ligji ka shumë armiq në këtë vend, e drejta ka shumë armiq në shoqëri dhe jo vetëm. Mjafton ti hedhësh një sy të përditshme për të kuptuar se sa janë ata që nuk duan Shqipërinë e drejtë dhe që nuk duan Policia e Shtetit të ketë rezultat… Beteja jonë më e madhe nuk është me injorancën, korrupsionin, rezistencën që bën paligjshmëria, beteja jonë më e madhe është me të shkuarën”, ishin mesazhet aluduese e politike të ministrit Tahiri, para kandidatëve për oficerë policie.
Këto deklarata të Saimir Tahirit, tingëllojnë të tipi “bëni si them unë, mos bëni si bëj unë”.
Fotografia kur ai, dikur nga pozitat e opozitarit, iu hipte policëve në qafë, a thua ishin ata “e keqja” që nuk hapeshin kutitë e shumëdëshiruara prej Edi Ramës, është jo vetëm emblematike, por është edhe “dokumenti” denoncues i sjelljes me dy fytyra të Saimir Tahirit në raport me efektivët e policisë.
Artur Bego
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
