Asambleja Parlamentare e NATO që do të mbahet në Tiranë do të shoqërohet me masa të larta sigurie në kryeqytetin shqiptar.
Mbi 600 efektivë të policisë, forcave speciale RENEA dhe ato të Gardës, do të sigurojnë punimet e sesionit të pranverës të Asamblesë Parlamentare të NATO-s, e cila do të zhvillohet në Pallatin e Kongreseve në Tiranë.
Sipas Zëvendësdrejtorit për Rendin dhe Sigurinë në polici nga data 27 deri më 31 maj, do të ketë bllokime rrugësh, ndërkohë që shërbimet e policisë rrugore dhe ato të bashkisë, do të punojnë për lehtësimin e trafikut.
Efektivët kanë marrë në mbrojtje dhe 9 hotele ku do të qëndrojnë përfaqësuesit e Asamblesë ndërkohë që të gjithë kalimtarët nuk do të lejohen të lëvizin për rreth Pallatit të Kongreseve.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
