Zhvendosja e cimkës në zyrën e ministrit të Brendshëm, Saimir Tahiri, nga vendi ku ishte vendosur dhe më pas lëvizja e saj në ambiente të tjera ka bërë që të prishen hetimet ose të paktën të vështirësohet marrja e të dhënave që mund të conin deri tek marrësi i sinjalit të saj.
Cimka është gjetur nga sekretarja e tij e cila ka lajmëruar stafin menjëherë.
Aparati i vogël përgjues është hequr nga vendi ku ishte vendosur pa pritur ekspertët e laboratorit që të gjejnë valët e transmetuesit për të identifikuar vendndodhjen e marrësit të zërit të kësaj çimke.
Por me heqjen e saj, burimet nga prokuroria thonë se është shumë e vështirë për të konstatuar se sa është koha që ndodhej aty ajo cimkë, cfarë ka transmetuar dhe sa ka arritur të kap zërin e komunikimeve të ministrit brenda zyrës së tij për të transmetuar te marrësi që dyshohet se mund të ketë qenë në një distancë të afërt me vendndodhjen e kësaj çimke.
Prokurori i çështjes është Ardian Braho dhe hetimi ka nisr me dorëzimin në Prokurori të kallëzimit nga ana e Drejtorisë së Përgjithshme të Shërbimit të Çështjeve të Brendshme dhe Ankesave pranë ministrisë së Brendshme. Kallëzimi është bërë më datë 20 maj, 2 ditë pas gjetjes së saj.
Ish-Kryeministri Berisha që dha edhe i pari lajmin për cimkën thotë se vonesa në kallëzim është bërë pasi u desh kohë që oficerët e Tahirit të fshinin nga cimka përmbajtjen e regjistruar.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
