Kryebashkiaku i Tiranës është paraqitur sot pranë prokurorisë së Tiranës për të dhënë shpjegime për parkun e lojërave te Parku i Liqenit.
Mësohet se prokurori Gjergji Tako ka marrë në pyetje kryetarin e bashkisë së kryeqytetit.
Në këtë “llogaridhënie” në prokuroi, mësohet se Erion Veliaj shoqërohej nga zëvendësi i tij, Arbian Mazniku.
Hetimet për këndin e lojërave te parku i Liqenit, nsiën më se tre muaj më parë, pas takimit të një përfaqësie të shoqërisë civile me kryeprokurorin Adriatik Llalla, si dhe të depozitimit të një padie nga ana e tyre.
Pas këtij kallëzimi, Prokuroria ka nisur hetimet për projektin e bashkisë së Tiranës në Kodrat e Liqenit Artificial, që sipas tyre cenon Kodin Penal, pasi pa marrë leje mjedisore apo ndërtimore janë prerë rreth 15 pemë. Në këtë padi është kërkuar të hetohet edhe për dhunën e ushtruar ndaj tyre.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
