Sikurse pritej, nuk mund të rrinte pa reaguar mistri i brendshëm Saimir Tahiri, për atë çfarë i ndodhi sot, kryepolicit të tij. Në një dalje publike te sheshi “Nënë Tereza”, Tahiri ka bërë avokatin e Çakos. Reagimi i ministrtt të Brendshëm erdhi edhe pas lajmit se “laku po ngushtohet” dhe se pjesë e hetimit është edhe ai vetë. Në këto kushte, avokatia ndaj kryepolicit lexohet si një mbrojtje që ministri i Brendshëm po e servir si paradhënie për veten.
“Unë jam shumë i vetëdijshëm që drejtori i policisë dhe dy punonjësit nuk kanë shkelur ligjin në asnjë sekond të ushtrimit të punës së tyre. Nuk kanë bërë asnjë përgjim dhe asgjë qoftë dhe largësisht e afërt me përgjimin. Publikisht i jap mbështetjen time institucionale dhe të qeverisë drejtorit dhe dy punonjësit e policisë dhe çdo polici që kryen detyrën me përkushtim dhe devotshmëri e ndershmëri duke besuar shumë fortë se policia shtetit ka një mision të shenjtë për ti shërbyer qytetarëve, Janë të shumtë ata që nuk duan reformën në drejtësi”, u shpreh Tahiri.
Më tej, nuk kuptohet se pse, Saimir Tahiri e lidhi pezullimin e Haki Çakos me “mosdashjen” nga opozita të reformës në drejtësi, a thua që po të ishte miratua kjo reformë, sot kryepolici nuk do të ishte pezulluar.
“Sot u bë në mënyrë të pa ekuivokë dhe shumë evidente se ata që nuk duan të bëjnë reformën në drejtësi janë gati të bëjnë gjithçka dhe janë gati për të bërë gjithçka.
Nuk do të guxonin të shkonin kurrë deri këtu për të penguar reformën në drejtësi. Jemi gati të përballemi me cilindo që nuk e do reformën në drejtësi.
E kuptoj që opozita bashkë me frontin e të keqes që sot nxori kokën dhe nuk e do reformën në drejtësi. Ashtu siç janë të gatshëm të bëjnë gjithçka të shpëtojnë Saliun”, vijoi deklaratën e tij pa lidhje minitri i Brendshëm Saimir Tahiri.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
