Saimir Tahiri ka avancuar në pretendimet e tij për pezullimin” e “të ndershmit” Haki Çako, pasi dy ditë më parë sulmoi Prokurorinë, dje sulmoi Gjykatën, ndërsa sot e ka bërë “çështjen Çako”, problem presidencial.
Me një sërë pyetjesh adresuar Presidentit me cilësinë edhe të kreut të KLD-së, Saimir Tahiri ka ripërsëritur pakënaqësinë për “përzgjedhjen” e Arjan Aliajt si gjyqtar i Haki Çakos.
Pas deklaratës së lexuar shpejt e shpejt, po aq shpejt e shpejt Siamir Tahiri është larguar nga podiumi, duke mos pranuar t’ju përgjigjet pyetjeve të mundshme të gazetarëve.
Shfaqja për të tretën ditë radhazi të Saimir Tahirit në pararojën e sulmeve ndaj drejtësisë, përveç shoë-t dhe presionit ndaj prokurorisë e gjyqësorit, është në një konflikt të hapur, pasi ai vetë është objekt i hetimit të skandalit me pajisjen e përgjimit. Nga ana tjetër ka kapërcyer logjikën e mundshme. Për pyetjet që ai i drejtoi kryetarit të KLD-së, përgjigjen fare mirë mund ti merrte nga anëtari i KLD-së, njëherazi, kolegu i tij në Qeveri, Ylli Manjani, ministër i Drejtësisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
