Ismail Morina, Ballisti vijon të vuajë dënimin me kusht duke mos shijuar për asnjë cast finalet e kampionatit europian dhe kombëtaren shqiptare. Ai po qëndron në shtëpi pasi nuk i lejohet të lëvizë për ironi të fatit. Ballisti ishte një prej faktorëve që Shqipëria sot është ne Europian dhe pas lëshimit të dronit në Beograd ai u kthye në simbol të kuqezinjve shqiptarë.
Në një intervistë të gjatë për mediat franceze, ai tregon se në ndeshjen e sotme mes Francës dhe Shqipërisë do të jetë shuam larg stadiumit.
“Për momentin jam i detyruar të rri në shtëpi, pasi u arrestova nga autoritetet shqiptare 24 orë para ndeshjes me Serbinë, për shkak të dy pistoletave që mbaja për vetëmbrojtje. Tani shpresoj që të jem i lirë pas një apo dy muajsh. Por e di që kjo çështje nuk do të përfundojë këtu, do të ketë gjithmonë pasoja”, tha Morina.
“Për mua është sukses edhe që jemi në shtëpinë tuaj, në Francë. Jam shumë krenar për lojtarët. Por kjo nuk do të thotë se ambiciet tona duhet të jenë vetëm kaq. Ju i luani të gjitha ndeshjet pa trysni, por për ne është krejtësisht e ndryshme, duhet të paraqitemi gjithmonë më mirë.
Për sa i përket ndeshjen me Francën, duhet të them se nëse Paje luan si kundër Rumanisë, do të jetë shumë e vështirë për ne. Por në fund, rezultati do të ketë pak rëndësi, unë jam krenar për vendin tim. Më vjen keq vetëm që nuk do të jem në tribunë për të mbështetur lojtarët”, shpjegoi ai.
