Tekniku i përfaqësueses shqiptare, Xhani De Biazi ka lajëmruar për një ndeshje pa gabime në përballjen e nesërme me Rumaninë, “finalen” e shqiptarëve për të vijuar Europianin.
“Mendoj se në këtë turne djemtë kanë bërë gjëra shumë të mira, kemi paguar në mënyrë të rëndësishme budallallëqe të vogla që i paguajnë thuajse të gjitha skuadrat në ndeshje. Por mendoj se ne në ato momente nuk kemi qenë me fat në mospësimin e golit. Nga ana tjetër, në rastet kur kemi pasur mundësinë për të bërë gol, nuk kemi pasur qetësinë për të realizuar atë që kemi ndërtuar.
U kam thënë djemve se nëse duam te kemi një histori të hapur me këtë turne, duhet të shfrytëzojmë çdo mundësi që na jepet dhe duhet të kemi shumë kujdes në fazën mbrojtëse pasi ata janë të aftë në goditjet standarde, kanë futbollistë fizikisht të aftë. Duhet të jemi të vëmendshëm. Jemi të përgatitur për ndeshjen që kemi përpara. Duhet të bëjmë ndeshjen perfekte”, ka deklaruar në një konferencë për shtyp, trajneri Xhani De Biazi.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
