Hysaj flet për çfarë ndodhi në dhomat e zhveshjes Berisha për traversën e goditur nga rumunët

Mbrojtësi Hysaj e ka cilësuar fitoren  sotme të merituar, ndërsa shpreson për një ecuri të mëtejshme.
Pas ndeshjes ai zbuloi edhe diçka se çfarë ndodhi në dhomat e zhveshjes pas fitores së sotme.
“Besoj se luajtëm shumë mirë dhe kemi treguar që jemi një ekipi fantastik. Shpresoj të vazhdojmë kështu për tu kualifikuar
Përpiqem të jap maksimumin për kombëtaren. Këtu jap 120 për qind
Emocionet në dhomat e zhveshjes pas fitores, besoj se e kuptoni vet se çfarë ka ndodhur, por më e madhja ende nuk ka ndodhur”, u shpreh Hysaj.
Edhe portieri Berisha shpreson që këto tre pikë të japin një mundësi për më shumë.
Ndërkohë ai flet edhe për shtyllën e goditur nga rumunët.
“Shpresoj që këto tri pikë të na japin mundësi për surpriza të tjera. Gjithë çunat ishin të vëmendshëm dhe të përqendruar deri në minutën e fundit. Traversa ishte në goditje e mirë. Nuk mund të them se ishte rrezik për gol. Luajtëm mirë, të gjithë reparte luajtën mirë”, shprehet Berisha.