Me fitoren historike ndaj Rumanisë, Shqipëria ka bërë që e gjithë bota të flaës për të. Edhe para kësaj ndeshje të shumtë ishin mediat që i kushtonin artikull lojës së mirë të zhvilluar nga kombëtarja jonë pavarësisht dy humbjeve. Gjithashtu na kushtuan shumë vëmendje për tifozerinë që nuk reshti në asnjë moment së mbështeturi ekipin deri në minutën e fundit të 3 ndeshjeve të fazës së grupeve.
Por kjo fitore e ka bërë Shqipërinë akoma më të njohur për botën pasi mund të jetë pjesë e një prej 4 ekipeve më të mira të vendit të tretë që mund të kualifikohen për raundin e dytë.
Italiania “Gazzeta Dello Sport” shkruan “Shqipëria fitore historike, De Biasi shpreson në 1/8”. Po ashtu edhe “Corriere Dello Sport” e përjcell fitoren e kuqezinjve me titullin “Rumani-Shqipëri 0-1, Sadiku gol, De Biasi shpreson”.
Ndërsa në Angli titujt janë më emocionues. Gazeta The Sun na quan “Histori-shkrues” ndërsa “BBC” e nis me titullin, “Shqipëria çmendet për fitoren e parë në një turne madhor”. “Daily Mail” shkruan se Shqipëria ka ende shpresë.
Gazeta spanjolle MARCA shkruan “Tani po që Bota e njeh Shqipërinë”. Titujt e shumtë nuk kanë munguar edhe në gazetat zvicerane dhe ato franceze. Kurse rumunët flasin për një dështim total të futbollit rumun.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
