Kryeministri Edi Rama, i është rikthyer turit të tij të inspektimeve, në Tiranë. Nën shoqërinë e kryebashkiakut Erion veliaj, objekt inspektimi ka qenë sot bulevardi i ri i Tiranës, i nisur prej më se dy vjetësh nga ish-kryebashkiaku Lulzim Basha.
Lidhur me këtë inspektim ka reaguar sot ish-nënkryetari i bashksië së Tiranës, i cili ndërsa ka bërë ët ditur, këtë projekt, por edhe disa të tjerë, të nisur që nga koha e drejtimit të bashkisë së Tiranës nga Lulzim Basha, Enno Bozdo ka akuzuar kryeministrin për bllokimin e tyre.
“Bulevardi i Ri, rehabilitimi i Lumit të Tiranës e ndërtimi i Terminalit Multimodal janë fryt i vizionit të zhvillimit të Tiranës gjate administratës “Basha”. Me gjithë përpjekjet e Edi Rames për t’i bllokuar e zvarritur, e ardhmja Europiane e Tiranes kalon nga zbatimi i këtyre projekteve te konceptuara dhe financuara nen drejtimin e Bashkise nga Lulzim Basha sepse kjo është rrruga për t’i kthyer kryeqytetit një zhvillim të qëndrueshëm larg modelit korruptiv dhe shpunësues që ofroi Edi Rama e po ofron sot Erion Veliaj.
Edi Rama përgjegjësi kryesor për bllokimin për dy vite të ndërtimit të Bulevardit të Ri, rehabilitimit të Lumit të Tiranës u krekos sot si gjeli majë plehut me punën e nisur nga Lulzim Basha”, u shpreh Bozdo sot.
Punimet për Bulevardin e Ri të Tiranës nisën në shtator të vitit 2013 pas përfundimit të projektit nga studioja prestigjioze ndërkombëtare “Grimshaë Architects” dhe sigurimit të fondit të investimit nga Fondi për Zhvillim i Abu – Dhabit.
Projekti u bllokua me pas me urdhër të Edi Ramës. Për këtë bllokim është kallëzuar penalisht ish-ministri i Financave Shkëlqim Cani, dosje të cilën prokuroria vazhdon ta mbajë në sirtar dhe është dënuar ish-kreu i INUK.
Për të ndjekur videon, klikoni në linkun më poshtë…
https://www.youtube.com/watch?v=c5C-NSf-OxM
