Një foto e shkrepur në planetin Mars nga anija kozmike “Curiosity Rover”, ka nxitur dyshimet e një grupimi që hetojnë për praninë e jashtëtokësorëve në planetin e zjarrtë.
Grupimi i njohur si “Paranormal Crucible” pretendon se pas shkëmbinjve mund të dallohet forma e një alieni në përmasa të vogla.
Fotoja origjinale e shkrepur nga anija kozmike e dërguar nga Nasa tregon një peisazh shkëmbor, por sipas “Paranormal Crucible”, po të shikohet me kujdes në fund të fotos mund të dallohet imazhi i huaj.
Sipas tyre, figura që duket në foto mund të jetë e njëjta specie si ‘Atacama alien”, një skelet prej 15 centimetrash që është zbuluar rreth 1 dekadë më parë në shkretëtirën Atacama, në Kili.
Fillimisht u mendua se ai ishte dëshmi e vizitorëve jashtëtokosorë, por testet e ADN në vitin 2013 treguan se ai nuk ishte alien, por një njeri me mutacion të veçantë.tvklan
