Aksident i rëndë në autostradën Tiranë-Durrës, furgoni me pasagjerë del nga rruga; dyshohet për dy viktima
Një aksident i rëndë është regjistruar pak minuta më parë në autostradën Tiranë-Durrës, ku një furgon me pasagjerë ka dalë nga rruga dhe ka përfunduar në kanalin anësor.
Sipas informacioneve paraprake, dyshohet se nga aksidenti kanë humbur jetën dy persona, ndërsa ende nuk dihen rrethanat që çuan në daljen e automjetit nga rruga.
Në vendngjarje kanë mbërritur forca të policisë, ekipet e urgjencës mjekësore dhe shërbimet zjarrfikëse, të cilat po punojnë për nxjerrjen e pasagjerëve të mbetur në furgon.
Autoritetet pritet të japin më shumë detaje mbi numrin e të lënduarve dhe shkaqet e aksidentit, ndërsa hetimet për zbardhjen e plotë të ngjarjes kanë nisur.
