Prokuroria e Posaçme i është rikthyer veprimeve hetimore për dosjen “Veliaj”. Sipas informacioneve, më 22 prill, me vendim të Gjykata e Posaçme, agjentët e Byroja Kombëtare e Hetimit kanë ushtruar kontrolle në ambientet e kompanisë “Gogel”, në pronësi të Arbër Veliaj, vëllai i kryebashkiakut të Tiranës, Erion Veliaj.
Gjatë veprimeve hetimore janë këqyrur dhe sekuestruar dokumente të ndryshme, përfshirë kontrata dhe fatura shërbimesh, në kuadër të hetimit që po zhvillohet për këtë çështje.
Ndërkohë, këtë të enjte, më 23 prill, mbrojtja e Arbër Veliajt ka ankimuar në gjykatë këto veprime, duke i cilësuar ato si të paligjshme. Seanca u zhvillua me dyer të mbyllura dhe u shoqërua me debate mes palëve.
Gjyqtarja Atalanta Zeqiraj vendosi shtyrjen e seancës për një datë tjetër, për shkak të procedurave që duhet të plotësohen ndërsa avokatët pretendojnë se kontrollet dhe sekuestrimet janë kryer në kundërshtim me ligjin.
Dosja “Veliaj” është ndarë në disa fraksione dhe veprimet e fundit lidhen me një prej tyre.m.k
