Janë kryer disa ndryshime në strukturat drejtuese të Policisë së Shtetit, duke përfshirë pozicione kyçe në drejtoritë operacionale dhe atë të antiterrorit.
Sipas burimeve, Alban Dauti, i cili mbante detyrën e kreut të Antiterrorit, është emëruar në krye të strukturës Operacionale.
Nga ana tjetër, Melsi Koci është larguar nga drejtimi i Operacionales.
Ndryshime ka edhe në sektorin e krimit ekonomik, ku Gent Ndoi largohet nga kjo strukturë dhe është transferuar në Drejtorinë Vendore të Policisë në Dibër.
Ndërkohë, drejtimin e Antiterrorit e merr Edmond Suka.
Po ashtu, Oliger Torba, i ardhur nga Fier, është emëruar zv/drejtor i Policisë në Tiranë.
