Një ngjarje e pazakontë është regjistruar në Fier, ku një 47-vjeçar është gjetur pa shenja jete në rrethana ende të paqarta.
Sipas informacionit paraprak të policisë, ngjarja ka ndodhur në lagjen “8 Shkurti”, ku shtetasi Ilir Zarka, 47 vjeç, është konstatuar i pajetë në dritaren e një banese. Ai dyshohet se do të kryente grabitje ndërsa kishte vënë maskë dhe doreza. Trupi i tij u gjet nga komshiu.
Nga këqyrja e parë e trupit nuk janë vërejtur shenja dhune, ndërsa dyshimet paraprake janë se ai ka humbur jetën si pasojë e asfiksisë, gjatë një tentative për t’u futur në banesë.
Rrethanat e sakta të ngjarjes mbeten ende të paqarta.
Grupi hetimor ndodhet në vendngjarje dhe po punon për të zbardhur plotësisht dinamikën e rastit dhe shkaqet e vdekjes.a.b
