Kreu i Partia Demokratike e Shqipërisë, Sali Berisha, ka reaguar ndaj deklaratës së kryeministrit Edi Rama për një nismë që synon uljen e numrit të deputetëve në Kuvendi i Shqipërisë.
Berisha u shpreh se nuk është dakord me reduktimin e numrit të deputetëve nëse Parlamenti mbetet me një dhomë, duke theksuar se ka qenë gjithmonë pro një sistemi me dy dhoma.
Sipas tij, modeli që duhet të ndiqet është ai me Dhomën e Deputetëve dhe Senatin, çka do të mundësonte një strukturë më të balancuar të përfaqësimit parlamentar.
Deklarata e Berishës erdhi pas një pyetjeje nga gazetari Arsen Dushku, i cili iu referua njoftimit të kryeministrit Rama për hartimin e një ligji që synon uljen e numrit të deputetëve në parlament dhe nëse opozita e mbështet një nismë të tillë.
Berisha tha se nuk është pro reduktimit të deputetëve në kushtet aktuale dhe sugjeroi një reformë më të thellë institucionale.
“Rama po mendon se Shqipëria po shkon drejt shuarjes dhe nuk i duhen deputetët. Unë jam dhe kam qenë për dy dhoma, për të pasur Dhomën e Deputetëve dhe Dhomën e Senatit. Nëse kjo bëhet, atëherë mund të mbahet numri 140, nga të cilët 100 të jenë deputetë dhe 40 senatorë. Pra, me një dhomë nuk jam që të ndryshojë”, u shpreh Berisha. a.b
