Në Gjykatën e Posaçme pritet të zhvillohet sot seanca e radhës për ish-presidentin e Republikës, Ilir Meta. Në këtë seancë do të shqyrtohet kërkesa e mbrojtjes për ndryshimin e masës së sigurisë ndaj tij.
Avokati i Metës, Kujtim Cakrani, ka deklaruar para nisjes së seancës se mbrojtja do të paraqesë argumente të reja ligjore, me synimin për të siguruar lirimin e ish-kreut të shtetit.
Sipas Cakranit, kushtet dhe rrethanat e çështjes justifikojnë ndryshimin e masës aktuale të sigurisë, ndërsa shtoi se pret që gjykata të marrë një vendim në favor të klientit të tij.
“Ne do të paraqesim sot të gjitha argumentet dhe provat që tregojnë se masa e sigurisë duhet të ndryshohet. Presim që gjykata të vendosë për lirimin e zotit Meta,” është shprehur avokati. a.b
