Është ndarë nga jeta në moshën 96-vjeçare ish-deputeti dhe ish-nënkryetari i Kuvendit, Tomor Dosti.
I lindur në Gjirokastër në vitin 1930, Dosti ishte i biri i iish kreut të Ballit Kombëtar në kohën e luftës, Hasan Dosti. Në vitin 1991 ai iu bashkua Partia Demokratike e Shqipërisë, duke vënë në dispozicion të saj kredibilitetin politik dhe familjar, veçanërisht në jug të vendit.
Në vitet e para të pluralizmit, ai ishte një nga figurat politike të rëndësishme të PD-së, së bashku me figura si Pjetër Arbnori, Leka Tota, Uran Butka, etj.
Tomor Dosti mbajti postin e nënkryetarit të Partisë Demokratike në vitet e para të saj dhe u zgjodh deputet në dy legjislatura, gjatë periudhës 1991-1996. Ai shërbeu gjithashtu si nënkryetar i Kuvendit të Shqipërisë, por disa kohë edhe Sekretar i Përgjithshëm i PD.
Në vitin 1998 u tërhoq nga politika aktive, duke lënë pas një kontribut të gjatë në jetën publike dhe politike të vendit. a.b
