Një qytetar është shfaqur në protestën e opozitës që nisi këtë pasdite në Tiranë me pranga në duar, duke përcjellë një mesazh simbolik kundër qeverisë. Në rrobat e tij ai kishte shkruar slogane në gjuhën angleze, që sipas tij i drejtohen edhe ndërkombëtarëve.
“Ata që vjedhin popullin i presin vetëm prangat. Drejt asaj rruge po shkojnë të gjithë”, u shpreh protestuesi.
Në veshjen e tij lexohej: “Stop korrupsionit! Rama, Balluku në burg! Stop korrupsionit! Ju vidhni, ne paguajmë. Mjaft”, duke akuzuar qeverinë për korrupsion dhe abuzim me fondet publike.
Një tjetër protestues deklaroi: “Edi Rama hoqi Belinda Ballukun dhe vuri tre Ballukë të tjerë. Ramës nuk mund t’i thuash kryeministër, ai është kryebandit”, duke shprehur pakënaqësinë ndaj qeverisjes aktuale. a.b
