Reagimi i plotë:
Kryeministri Edi Rama ka reaguar sot në lidhje me shembjet në aksin Librazhd Prrenjas që kanë bllokuar qarkullimin për afro 1/6 e vendit si dhe një pjesë të konsiderueshme të trafikit tregtar me Maqedoninë, Bullgarinë, Greqinë e Turqinë.
“Sa për aksin e bllokuar këto ditë, duhet një ligësi e madhe, një dëshpërim i thellë dhe një padije e rëndë, për t’ia faturuar qeverisë problematikën e një rrëshqitjeje gjeologjike të masivit natyror në anë të rrugës së vjetër, që ka impaktuar edhe aksin e ri, por që ka zero lidhje me ndonjë përgjegjësi profesionale a teknike të projektuesve, zbatuesve apo autoriteteve përkatëse!
Në Itali po rrëshqet gjatë këtyre ditëve një masiv gjigand që rrezikon të marrë me vete një qytezë të tërë të banuar, po nuk ka ndonjë kanal a qoftë edhe portal në atë vend – parti politike jo e jo – që ta trajtojë fatkeqësinë natyrore me histerinë e këtushme, ku ky avaz është bërë një traditë e ligë”, tha Rama. m.k
