Ulsi Manja në grupin Parlamentar të PS
Kryetari i Komisionit të Ligjeve Ulsi Manja parashtroi projekt-ligjin e ri të mazhorancës, ku parashikohen ndryshime në Kodin e Procedurës Penale, sipas të cilit kryeministri, ministrat si dhe institucione të tjera do përjashtohen nga masa e pezullimit nga detyra.
Ato janë Presidenti, Avokatin e Popullit, Kryeministri, zv.kryeministrat, ministrat, anëtarët e Gjykatës Kushtetuese si dhe kreun e KLSH-së.
“Neni ka të bëjë me masat ndaluese. Në pikën 1 sqarohet kompetenca që ka gjykata në caktimin e masave ndaluese, pezullimi nga detyra, që është një masë që garanton hetimin dhe ndalimi i ushtrimit të detyrës që lidhet me dënimin përfundimtar. Nuk jemi te e dyta, por jemi te pezullimi nga detyra, ku thuhet se masa nuk shtrihet te të zgjedhurit nga ligji elektoral. Ne propozojmë që në pikën dy, të shtohet rrethi i subjekteve ndaj të cilëve nuk mund të jepet pezullimi nga detyra. Ky rreth shtohet me Presidentin, Avokatin e Popullit, Kryeministrin, zv.kryeministrat dhe ministrat, anëtarët e Gjykatës Kushtetuese dhe kryetarin e KLSH-së. Nga tre subjekte ndaj të cilëve neni 242 përjashton masën e pezullimit nga detyra, i shtohen 7 subjekte të tjera. I jemi referuar strikt Kushtetutës së Shqipërisë”, tha Manja.
Më poshtë është ndryshimi i plotë:
