Komisioni Evropian
Policia belge ka kryer të enjten një kontroll në zyrat e Komisionit Europian, pas dyshimeve për parregullsi në procesin e shitjes së disa aseteve të pasurive të paluajtshme. Lajmi u raportua nga “Financial Times”, e cila citon burime të afërta me hetimin.
Sipas raportimit, hetimi po udhëhiqet nga Zyra e Prokurorit Publik Europian (EPPO) dhe lidhet me shitjen e 23 ndërtesave, të cilat u blenë nga fondi sovran belg SFPIM për shumën 900 milionë euro në vitin 2024. Në atë periudhë, Komisioni Europian kishte deklaruar se transaksioni ishte realizuar përmes një procedure tenderimi, në përputhje me rregullat financiare të Bashkimit Europian, përcjell A2 CNN.
EPPO ka konfirmuar se kontrolli ka ndodhur, por pa dhënë detaje shtesë mbi çështjen. Ndërkohë, policia belge ka refuzuar të komentojë mbi zhvillimet.
