Janë zhdukur rreth 2 mijë vende për tifozët nga stadiumi i sapondërtuar “Loro Borci”. Ato nuk janë aty sic parashikonte projekti dhe sic kishte premtuar edhe zyrtarisht qeveria.
“Si bilanc përfundimtar, ky impiant do të ketë 15919 ndenjëse. Shumë pak në krahasim me premtimin fillestar, që pritej të ishte rreth 20 mijë vendesh, apo edhe me atë zyrtar që u tha se do të kishte 17500 stola për tifozë”, shkruan gazeta Panorama.
Fillimisht u premtuan 20000 vende në stadium. Por ky numër u ul dhe u premtua që do të kishte 17500 të tilla për spektatorët, pa llogaritur tribunën e mediave. Aktualisht numri ekzakt i vendeve në dispozicion të sportdashësve për të ndjekur një ndeshje në këtë impiant është 15919 stola.
