Gjykata Kushtetuese
Gjykata Kushtetuese po zhvillon një seancë maratonë, e cila pritet të përfundojë me shpalljen e një vendimi në lidhje me kërkesën e kryeministrit Edi Rama për shpalljen antikushtetuese të masës së sigurisë “pezullim nga detyra” ndaj zv/kryeministres Belinda Balluku.
Kreu i PD Berisha komentoi sot rreth vendimit të pritshëm duke theksuar se 5 vota do të jenë pro Ballukut.
“Sot, në momentin që mblidhemi këtu, organizata kriminale voton kundër interesave më jetike të çdo qytetari shqiptar.
Voton që një grup hajdutësh, të cilin nuk e ka pasur kurrë në histori Shqipëria, i cili ka vjedhur miliarda e miliarda, të vazhdojë të vjedhë miliarda të tjerë.
Voton, të dashur miq, në një moment kur realisht ky vendim mund të këpusë çdo urë lidhje.
Mund të bëjë zero të gjithë përpjekjet tona 35-vjeçare për t’u integruar në BE.
Votojnë për të kuptuar shkallën e tyre”, deklaroi Berisha gjatë një takimi me demokratë të Tiranës. m.k
