Rama pas darkës me Ivanka Trump
Kryeministri Edi Rama ka reaguar nga foltorja e Kuvendit ndaj pyetjeve të opozitës për mungesën e tij në Davos, ku po zhvilloheshin aktivitetet e Forumit Ekonomik Botëror.
Duke përdorur ironi, Rama komentoi zgjedhjen e tij për të mos qenë i pranishëm në Davos, duke e lidhur atë me një dilemë personale mes një ftese nga presidenti amerikan Donald Trump dhe një takimi me vajzën e tij, Ivanka Trump.
“E kuptoj që jeni të shqetësuar pse nuk isha atje. Ishte një pikëpyetje: duhet të pranoja ftesën e babait apo të qëndroja pranë vajzës së babait. Zgjodha vajzën, edhe me lejen e babait,” u shpreh Rama para deputetëve.
Deklarata e kryeministrit vjen në një kohë kur mungesa e tij në Davos është vënë në qendër të debatit politik, pas kritikave të opozitës lidhur me përfaqësimin e Shqipërisë në takime ndërkombëtare të nivelit të lartë. a.b
