Gjatë operacionit
Drejtoria Vendore e Policisë Tiranë ka finalizuar pas 3 muajsh hetime me metoda proaktive operacionin e koduar “Anëtarët”, duke goditur një grup kriminal të përfshirë në shitjen e armëve të zjarrit.
Si rezultat i operacionit, u vunë në pranga 3 pjesëtarë të grupit, të tre me precedent penal. Dy prej tyre u kapën në flagrancë në zonën e Tufinës, teksa tentonin të shisnin 2 armë zjarri kallashnikov. Gjithashtu, u identifikua dhe u shpall në kërkim një shtetas tjetër, i dyshuar si pjesë e këtij grupi kriminal.
Artur Brahimaj, Ilir Zyberi dhe Artur Rushiti janë arrestuar si anëtarë të grupit të trafikut të armëve, ndërsa policia ka sekuestruar 5 armë zjarri dhe municion luftarak, që dyshohet se do të shiteshin në Tufinë dhe në Fresk.
Në kuadër të aksionit policor u sekuestruan gjithsej 5 armë zjarri dhe municion luftarak, të cilat dyshohet se do të shiteshin në zonat e Tufinës dhe Freskut.
Në pranga ranë shtetasit I. Z., 55 vjeç, i dënuar më parë për vrasje, A. B., 63 vjeç, i dënuar për prodhim dhe shitje narkotikësh dhe mashtrim, si dhe A. R., 46 vjeç, i dënuar më parë për plagosje të rëndë me dashje. Ndërkohë, u shpall në kërkim shtetasi E. S., 28 vjeç.
Nga hetimet e kryera nga specialistët për Hetimin e Krimeve të Komisariatit të Policisë Nr. 4, nën drejtimin e Prokurorisë së Tiranës dhe në bashkëpunim me Forcën e Posaçme Operacionale, dyshohet se grupi shiste armë zjarri në zona të ndryshme të kryeqytetit.
Hetimet vijojnë për dokumentimin e plotë të veprimtarisë kriminale, identifikimin dhe kapjen e personave të tjerë të përfshirë, ndërsa materialet procedurale i janë referuar Prokurorisë për veprime të mëtejshme. a.b
