Autoritetet kanë kryer disa arrestime në lidhje me arratisjen e paraburgosurit Altin Ndoci nga Spitali Rajonal i Durrësit. Burime zyrtare bëjnë me dije se në pranga kanë rënë tetë persona, të dyshuar për shkelje të procedurave dhe përgjegjësi në garantimin e sigurisë gjatë shoqërimit të tij.
Të arrestuarit janë: Aulon Çuko, kryeinfermier i burgut; Dezdemon Pazaj, shef i komanduar i Policisë së Burgut të Durrësit; Violeta Uka, specialiste informacioni; si dhe efektivët e Policisë së Burgjeve Dorian Saraçi, Sali Ferollari, Preng Marvataj, Fation Baçi dhe Aranit Çela.
Hetimet po vijojnë për të sqaruar rolin dhe përgjegjësinë konkrete të secilit prej të arrestuarve në ngjarjen e rëndë që çoi në arratisjen e paraburgosurit, ndërsa autoritetet theksojnë se do të ketë zero tolerancë ndaj çdo shkeljeje ligjore.a.b
