Alma Bime
Policia ka arrestuar Alma Bimen, 43 vjeçe, drejtoreshë e Emigracionit në Ministrinë e Brendshme, pasi dyshohet se ka shkelur masën e sigurisë “arrest në shtëpi” dhe ka tentuar t’i vërë flakën automjetit të ish-bashkëjetuesit të saj.
Sipas autoriteteve, ndaj saj rëndojnë edhe akuza për dhunë dhe kanosje të përsëritura ndaj M. Tomorit. Bime ishte vendosur më herët në “arrest shtëpie” pas dyshimeve për kanosje dhe djegie orendish në banesën e ish-bashkëjetuesit.
Ngjarja e fundit, e ndodhur më 31 dhjetor, ka përkeqësuar pozitën e saj ligjore, duke çuar në arrestimin nga Policia. Hetimet vijojnë, ndërsa Prokuroria pritet të kërkojë një masë më të rëndë sigurie. a.b
