Si pasojë e reshjeve të dendura të shiut që kanë përfshirë vendin mëngjesin e kësaj të marte, raportohet se është përmbytur edhe Institucioni i Ekzekutimit të Vendimeve Penale në Durrës.
Burime bëjnë me dije se kati i parë i burgut të Durrësit është mbuluar plotësisht nga uji, duke detyruar autoritetet të zhvendosin të paraburgosurit në katet e sipërme, për arsye sigurie. Në këtë institucion vuajnë dënimin, mes të tjerëve, edhe kryebashkiaku i Tiranës, Erion Veliaj, si dhe ish-ministri i Shëndetësisë, Ilir Beqaj.
Durrësi mbetet një nga qytetet më të prekura nga moti i keq, ku janë përmbytur disa rrugë dhe segmente kryesore, përfshirë edhe pikat hyrëse të aksit interurban Tiranë–Durrës. Deri më tani raportohet për rreth 10 familje të evakuuara, ndërsa qarkullimi i mjeteve është devijuar në drejtim të Ndroqit dhe Elbasanit.
