Janë 7 orë takim Rama-Balluku, në Kryeministri gjë që ka sjellë edhe komentet rreth asaj bisede kaq të gjatë.
Janë të shumta hamendjet por ndërkaq një gjë është e qartë: një plan rezistence ndaj vendimit të pezullimit të Ballukut nga SPAK dhe GJKKO.
Rama dhe Balluku po përpiqen të sfumojnë vendimarrjen e drejtësisë përmes një vendimarrje nga Parlamenti që mund të sjellë zhvillime të reja në vend.
Ka një mundësi për një ballafaqim kompetencash mes Kuvendit dhe gjykatave duke ua kundervënë atyre Kuvendin si pushtetin më fuqiplotë.
Kjo do të ishte hera e parë që një pushtet tjetër sfidon drejtësinë dhe vendimarrjen e saj duke çuar në thyerjen e kufijve të sistemit demokratik drejt asaj që vendimarrja e gjyqësorit të kalojë në filtrat e politikës. Kjo do të ishte rënie e republikës, rënie e sistemit dhe kalim në një pushtet grupi ngjashëm me juntat sfungjer të vendeve latine apo banana republic.
Pikërisht ndaj kësaj mundësie ka reaguar sonte edhe nënkryetari i PD, Gazment Bardhi i cili thekson se Edi Rama është duke përgatitur grusht shteti.
“Për pushtetin e tij, ka kohë që ka shkallmuar çdo rregull dhe standard të funksionimit demokratik të shtetit, duke nisur nga themeli kushtetues i Republikës “qeverisja bazohet në zgjedhje të lira dhe të ndershme”!
Teoria se Gjykata dhe SPAK po përcaktojnë qeverisjen, bëhet ekzaktësisht nga ata që nuk janë shqetësuar asnjë ditë për faktin që qeverisjen e përcakton krimi i organizuar! Pra, Kushtetuta dhe ligji që i njeh këtë autoritet Gjykatës dhe SPAK, janë gabim, ndërsa sistemi i Edi Ramës që qeverisjen e dikton krimi i organizuar dhe korrupsioni, është i drejtë. Çfarë turpi dhe mjerimi!
Belinda Balluku nuk është pezulluar nga funksioni si deputete. Këtë e ndalon ligji! Gjykata dhe SPAK e kanë respektuar këtë ndalim. Ndërkohë “pezullimi për të ushtruar funksionet publike” në pushtetin ekzekutiv është qëllimi për të cilën ekziston kjo masë ndaluese në ligj, në kushtet kur vendimmarrja për shkarkim i është besuar një njeriu të papërgjegjshëm (siç është Edi Rama) apo një bashkëfajtori në korrupsion me të pandehurin (siç është po Edi Rama)!”, deklaroi Bardhi. a.b
