Sekuestrohen pasuri me vlerë rreth 12 milionë euro, të dyshuara të përfituara nga të ardhura të paligjshme.
Pasuritë i përkasin Kristi Qiricit alias Jetmir Hoxha, dhe Adriatik Kalemit, i cili drejtonte një grup kriminale që kultivonin kanabis në Sarandë dhe zonat përreth në vitet 2019-2021, dhe drogën e trafikonin drejt Greqisë.
Ndërsa Kalemi është në paraburgim për strehimin e përkrahjen e të kërkuarit Andrew Bode, i cili dyshohet për ekzekutimin e biznesmenit Edmond Papa.
Pasuritë e Qiricit: Hotel 6-katësh, me 37 dhoma, sipërfaqe ndërtimi 248 m² për kat + garazh 440 m², në Sarandë; Hotel 4-katësh, me 15 dhoma + lokal, sipërfaqe ndërtimi 160 m² + 80 m², në Sarandë.
Pasuritë e Hoxhës: Në Sarandë: Lokal shërbimi 103 m² dhe pasuri 123.1 m²; Në Tiranë: Apartament 78.4 m², parcelë ndërtimi 60.12 m², dyqan 103 m² dhe arë 800 m²; Në Rradhimë, Vlorë: Pasuri 36 m², pasuri 485 m² dhe pasuri 619 m²; Në Memaliaj, Tepelenë: Pasuri 386 m², truall 650 m² dhe një pasuri tjetër.
Pasuri të luajtshme: 1 mjet lundrues, 4 automjete dhe 12 llogari bankare.
“Nën drejtimin e Prokurorisë Sarandë vijon puna për identifikimin dhe sekuestrimin e aseteve të tjera që mund të jenë regjistruar në emër të personave të tjerë, nga këta shtetas ose familjarët e tyre”, njofton policia e Sarandës. a.b
