Tiranë – Policia godet rastin e trafikut të drogës, sekuestrohen 10 kg kanabis dhe një armë gjahu
Si rezultat i operacionit u sekuestruan 10 kilogramë lëndë e dyshuar narkotike cannabis sativa, një armë gjahu pa leje, një automjet dhe tre aparate celulare.
Në pranga ranë dy shtetas, të cilët u kapën në flagrancë në aksin rrugor “Nikël–Fushë Krujë”, teksa transportonin lëndën narkotike me qëllim shitjen: Sh. H., 34 vjeç, banues në Nikël; I. T., 43 vjeç, banues në Fushë-Krujë
Gjatë ndërhyrjes, policia i ndaloi dy të dyshuarit që po udhëtonin me një automjet tip “Wolkswagen”, brenda të cilit u gjetën dy thasë me lëndë të dyshuar narkotike, me peshë totale 10 kilogramë.
Në vijim të kontrollit, në banesën e 34-vjeçarit Sh. H., u gjet dhe u sekuestrua një armë gjahu pa leje, së bashku me mjetin dhe celularët e përdorur gjatë veprimtarisë kriminale.
Materialet procedurale i janë kaluar Prokurorisë për veprime të mëtejshme hetimore. a.b
