Ministrja Albana Koçiu ka shkarkuat zëvëndësin e saj pasi u pa me cigare duhani në një restorant në New York. Natyrisht që po tymoste edhe pse ishte e ndaluar, çfarë ka bërë që një shqiptar në restorant t’i shkruante ministres.
Zëvëndësministri Andi Mahila e mbante këtë post që prej janarit 2021.
“Kam marrë një denoncim nga një bashkatdhetari ynë në New York, i cili bashkë me familjen kishte përjetuar shqetësim për faktin se zv.ministri i Brendshëm tymoste cigare në restorant.
Bëra verifikimin përkatës dhe i komunikova zv.ministrit largimin nga detyra.
Çdokush mund të gabojë padashje dhe mund të mirëkuptohet, por të pish cigare brenda në lokal nuk është një gabim padashje, po një shkelje e pajustifikueshme e ligjit. Aq më tepër për një drejtues të një institucioni si Ministria e Punëve të Brendshme.
Nga ana ime e kam njoftuar bashkëatdhetarin që dërgoi mesazhin, se shqetësimi i tij i drejtë nuk ra në vesh të shurdhër”, njoftoi këtë mbrëmje ministrka e Brendshme Albana Koçiu. a.b
