Zambak Gjonaj dhe Arnold Rrokaj lihen ne burg. Apeli i Posaçëm ka rrëzuar kerkesën per lirim.
“Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari Dhimitër Lara, sot më 22.04.2025, shpalli vendimin mbi çështjen penale nr. 28 akti, datë 14.04.2025 regjistrimi, mbi ankimin e personave nën hetim Zambak Gjonaj dhe Arnold Rrokaj, me objekt: “Ankim ndaj vendimit nr. 32, datë 14.03.2025 të Gjykatës së Posaçme të Shkallës së Parë për Korrupsionin dhe Krimin e Organizuar”, disponuar në lëndë të masave të sigurimit personal, dhe vendosi:
1. Miratimin e Vendimit/Urdhrit nr. 32, datë 14.03.2025 të Gjykatësit që shqyrton kërkesat e palëve gjatë hetimeve paraprake në Gjykatën e Posaçme për Korrupsionin dhe Krimin e Organizuar”, thuhet në njoftimin e Apelit të Posaçëm.
Zambak Gjoni, ish-drejtor i Paraburgimit të Vlorës dhe ish-drejtuesi i IKMT-së Artjon Rrokaj janë vënë në pranga me vendim të Gjykatës së Posaçme Kundër Korrupsionit dhe Krimit të Organizuar. Të dy akuzohen për nxjerrje të sekretit hetimor. Ata dyshohet se në bashkëpunim me njëri-tjetrin kanë çuar në redaksitë e mediave, të dhëna dhe informacione për dosjet që janë ende nën hetim nga SPAK përmes një hakerimi apo bashkëpunimi me të burime të brendshme. a.b
