TARIFAT/ Ja sa euro “janë në lojë” për deputetët-vota të reformës në drejtësi

Prej kohësh është folur për përpjekje blerjesh deputetësh për miratimin e reformës në drejtësi.
Ndërsa deputetët e PDIU-së, kryeministri “i bleu” me një post drejtori dogane në Durrës, për blerjen e deputetëve të tjerë, mësohet se “janë hedhur në lojë”, miliona euro.
Një fakt të tillë e zbulon në një intervistë për TV “News 24”, Kreshnik Spahiu, kreu i Aleancës Kuqezi.
Sipas tij, “mazhoranca ka 84 vota dhe i duhen 10 vota nga PD, për të kaluar reformën në drejtësi. Por PD nuk ia jep, pa konsensus. Për këtë arsye, për blerjen e një deputetit të vetë, janë vënë në dispozicion 600 mijë deri në 1 milion euro. Sipas një aritmetike të thjeshtë, për blerjen e 10 deputetëve duhen 6 milionë deri në 10 milionë euro”, bëri të ditur Kreshnik Spahiu.