5 ditë pas vendimit të Komitetit të Investimeve Strategjike për shpalljen investitor strategjik të dhëndrrit të Kushner, dhëndrrit të Trum, janë mësuar dy dekrete të Presidentit Bajram Begaj për të nxjerrë Sazanin nga Plani i Përhapjes.
Begaj ka firmosur dy dekrete të nevojshme në funksion të projektit që miratoi Komiteti i Investimeve Strategjike.
“Referuar dekretit të Presidentit të Republikës së Shqipërisë Nr. 398, datë 02.12.2024, “Për miratimin e disa shtesave dhe ndryshimeve në planin e vendosjes dhe përhapjes së Forcave të Armatosura të Republikës së Shqipërisë, miratuar me dekretin Nr. 8593, datë 17.06.2024, të Presidentit të Republikës së Shqipërisë”, rezulton që struktura “Rajon stërvitje dhe qitje detare Sazan, Vlorë”, del jashtë Planit të Vendosjes dhe Përhapjes së Forcave të Armatosura sipas Aneksit 3”, thuhet në vendimin e KIS.
Përmes tyre presidenti Begaj, ka vendosur për heqjen e ishullit nga Plani i Vendosjes dhe i Përhapjes së ushtrisë.
Plani i Vendosjes dhe i Përhapjes është një dokument që përmban zonat që shfrytëzojnë Forcat e Armatosura për misionin e tyre, në kohë krize, paqeje apo lufte. Ishulli i Sazanit ishte pjesë e kësaj zone. m.k
