3 oficerë policie në Elbasan u pezulluan nga detyra sot pas një urdhëri të prokurorisë dhe zbatuar nga AMP.
Dy persona, të shoqëruar si të dyshuar për vjedhje, janë arratisur nga dhomat e shoqërimit të Drejtorisë Vendore të Policisë së Elbasanit në datën 31-dhjetor të vitit të kaluar. Njëri prej tyre u kap, shtetasi E. P., dhe vijon puna për kapjen e tjetrit, N. L.
Pas arratisjes Drejtoria e Standardeve Profesionale në Drejtorinë e Përgjithshme të Policisë së Shtetit nisi hetimin disiplinor ndaj punonjësve të Policisë dhe Agjencia e Mbikëqyrjes Policore ka nisur hetimin penal ndërsa më 31 dhjetor u ndalua një inspektor i Policisë dhe u proceduan penalisht dy të tjerë.
Drejtoria Rajonale e AMP-së ka bërë ndalimin me iniciativë për veprën penale “Shpërdorim i detyrës” ndaj punonjësit të policisë Inspektor Dh.D., me detyrë Trupë shërbimi vend roje në dhomat e shoqërimit në Komisariatin e Policisë Elbasan, ndërsa janë proceduar në gjendje të lirë për “Shpërdorim i detyrës” edhe punonjësit e policisë Inspektor A.H., me detyrë Trupë shërbimi vënd roje në DVP Elbasan dhe Inspektor A.B., me detyrë Përgjegjës i Dhomave të Sigurisë. r.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
