Arrestohet në Manzë, Kreshnik Farruku. Ai u arrestua nga RENEA, i kërkuar nga SPAK për lidhje me trafik droge.
Mbrëmjen e së shtunës, forcat speciale RENEA kanë arrestuar në Durrës Kreshnik Farrukun, i njohur gjithashtu si Kreshnik Bodlli. Arrestimi është bërë për llogari të Prokurorisë së Posaçme Kundër Korrupsionit dhe Krimit të Organizuar (SPAK).
Pak ditë më parë, Kreshnik Farruku ishte vetëdorëzuar pranë Policisë së Durrësit, ndërkohë që Gjykata e Durrësit e kishte lënë në masën e sigurisë “arrest shtëpie”.
Sipas burimeve zyrtare, Kreshnik Farruku dhe vëllai i tij, Erneo Farruku, të njohur për përfshirjen në një klan kriminal të trafikut ndërkombëtar të lëndëve narkotike, janë ndaluar me qëllim ekstradimin drejt Italisë. Ata akuzohen për drejtimin e një organizate të strukturuar kriminale që vepron jashtë Shqipërisë. a.b
