Kreu i KQZ Ilirjan Celibashi bëri thirrje sot për të gjithë emigrantët të përfshihen në votim.
“Ju mund të bëheni faktor kyç për të ndryshuar Shqipërinë. Sot fillon një hap historik për shqiptarët jashtë vendit!”, tha Celibashi në rrjetet sociale.
Nga 11 Janar deri më 11 Maj, të gjithë shtetasit shqiptarë që jetojnë jashtë Shqipërisë kanë mundësinë të regjistrohen për të ushtruar të drejtën e tyre të votës. Ky është një moment kyç për të gjithë ata që, edhe pse larg, mbajnë zemrën pranë atdheut.
Si mund të regjistroheni?
1. Hyni në platformën zyrtare të KQZ ose shkarkoni aplikacionin:
🔗 Shkarko këtu . https://apps.apple.com/al/app/komisioni-qendror-i-zgjedhjeve/id6448755948
2. Ngarkoni:
• Numrin tuaj personal të identifikimit, datëlindjen dhe vendlindjen.
• Një foto për të vërtetuar praninë tuaj.
• Një numër telefoni ose email për konfirmim.
Mos e lini shansin t’ju kalojë! Vota juaj është një akt dashurie për Shqipërinë – është mënyra më e mirë për të treguar se kujdeseni për fatin e vendit dhe për të ardhmen e tij. Ju mund te jeni faktori kyq per te ndryshuar Shqiperine! a.b
