Çmimi i energjisë’/ Berisha: Memorja e Edi Ramës është një mashtrim i plotë!

Kreu i PD, Sali Berisha ka komentuar sot në lidhje me vendimin e ERE për uljen e cimit të energjisë 1 lek për kwh.

Memorja e Edi Ramës është një mashtrim i plotë! Kjo lëvizje, do të thotë të pasurit bëhen më të pasur, të varfërit mbeten aty ku janë, deklaroi Berisha në një deklaratë për shtyp.

“Memorja e Edi Ramës është një mashtrim, është një mashtrim i plotë. Kjo lëvizje, do të thotë të pasurit bëhen më të pasur, të varfërit mbeten pothuaj aty ku janë.

Sepse, të ulësh çmimin e energjisë për ata që konsumojnë 700 megavat, siç konsumon ai në sarajet e Surrelit, ndofta, apo ndonjë tjetër, do të thotë ta ulësh për veten tënde. Ta ulësh në 85 lekë nga 95 lekë, njëlloj si për atë që merr 100 milionë lekë në vit, me të që merr 3-4 milionë në vit, është pabarazi ekstreme dhe hipokrizi ekstreme”, deklaroi Berisha.

Partia Demokratike premton uljen në proporcion të plotë me rrogat dhe pensionet për të gjithë qyetetarët që marrin një rrogë mesatare e poshtë.

Së dyti, ulja e çmimit të energjisë për bizneset në tërësi, bizneset e vogla në veçanti.

“Pra, ne nuk do pranojmë këto çmime aktuale, por do të ulim çmimet. Ne kemi patur, sepse ai është memorieshkurtër, çmimin për shqiptarët në vitin 2013 që konsumonin gjer në 250 kilovat në muaj ka qenë 70 lekë, 0.7 lekë kW/h.

Ka qenë çmimi për ata që konsumonin mbi këtë kuotë, 115 lekë.

Ky tani, e rriti sa e rriti, e rriti 40 e sa lekë dhe i shkatërroi njerëzit me çmime, dhe ai thotë, po e ul thotë. Po e ul në rradhë të parë, se vetë ai që konsumon 700 kW/h, bëjini llogaritë vetë, fiton me një fjalë në muaj sa konsumojnë 3 familje të tjera. Kjo nuk do të ndodhë me ne”, deklaroi Berisha. a.b

/DRONI.al/