Partia “Mundësia” ka inauguruar degën e saj më të re, në qytetin e Durrësit. Kryetari i partisë “Mundësia”, Agron Shehaj u shpreh para qindra të pranishmëve se kryeministri Rama ka kapur cdo gjë dhe se po vjedh nëpërmjet oligarkëve, të lidhur me të.
Edhe njëherë ai i siguroi mbështetësit e tij, se vota nuk vidhet në ditën e zgjedhjeve, por manipulimi bëhet nëpërmjet mediave që paguhen nga qeveria dhe nga bandat.
“Të gjithë e dimë që zgjedhjet nuk manipulohen ditën e zgjedhjeve, kjo është gënjeshter, ndikimi dhe manipulimi më i madh behet nepermjet mediave, gazetareve, analistëve që dalin dhe paguhen për të mbrojtur qeverinë dhe nepërmjet banditëve.
Ne do të fillojmë me ata që nuk tremben, që nuk e shesin votën. Dilema e cdo shqiptari që jeton sot, është se çfarë të bëjmë , të rrimë apo të ikim. Pjesa më e madhe të rrimë për pridnërit apo të ikim për femijët. Kryeministri ishte në Londer dhe u qante hallin shqiptarevë që kanë ikur se si të shkretet nuk kanë në Londër diellin që ka në Shqipëri, sa e keqe është kafja në Londër dhe sa e mirë në Shqipëri. Imagjino se si tallet dhe arsyeja se ata kanë ikur është për faj të tij, sepse ka kapur cdo gjë”- u shpreh Shehaj.
Më tej Agron Shehaj foli edhe për rrugëtimin e tij, ku tha se ia ka dalë vetë, edhe pse vinte nga një lagje e Vlorës dhe jo e Bllokut në Tiranë, i përbuzuar dhe i persekutuar.
Për të gjithë skeptikët, Shehaj u përgjigj se vota e tyre do të vlejë 10-fish në krahasim me votën që kanë dhënë në këto 30 vjet.
“Vota për “Mundësinë” do vlejë 10 fishi i vlerës që ka patur vota juaj në këto 30 vjet. Cfarë keni marrë këto 30 vjet. Asgjë, ju kanë gënjyer me gjera koti, mundësitë i kanë marrë për vete, janë pasuruar ata. Unë njoh vetëm një rrugë, rrugën e punës dhe këmbënguljes. Ka vetëm një mundësi, punë dhe këmbëngulje. Ajo që duam të te realizojmë, që ti japim mundësi kujtdo, që me punë dhe këmbëngulje t’ia dalin në Shqipëri”.– shtoi Shehaj. r.m
