Autoritetet kolumbiane sekuestruan 225 ton kokainë, një rekord global për çdo operacion të vetëm kundër narkotikëve, duke gjetur një pjesë të kësaj ngarkese në një “nëndetëse narko” që udhëtonte në një rrugë të re të trafikut të drogës drejt Australisë.
Sasia e kokainës u kap në anije gjysëmzhytëse deri në 10 metra nën ujë përgjatë një linje të fshehur drejt Australisë.
Kapja e 225 tonëve kokainë shënon një goditje të konsiderueshme në operacionet e karteleve të Amerikës Latine, duke pasur parasysh se OKB-ja vlerëson se 2700 tonë prodhohen globalisht çdo vit dhe rekordi i Kolumbisë për konfiskimet vjetore ishte 671 ton të konfiskuar në 2022.
Marina kolumbiane ia ka atribuar suksesin historik bashkëpunimit të paprecedentë midis 62 vendeve dhe institucioneve akademike si Instituti Mbretëror i Shërbimeve të Bashkuara, një institut në Mbretërinë e Bashkuar që studion se si kartelet kolumbiane dhe meksikane kontrabandojnë drogë të pazbuluar. Vendet partnere mblodhën së bashku aeroplanë, helikopterë dhe fregata për të kapur dërgesat e paligjshme, por më e rëndësishmja ishte shkëmbimi i inteligjencës, tha Rodríguez. r.b
