Koordinatori për Programin Ekonomik në PD, Dorjan Teliti, denoncon rritjen me 100 milionë euro të borxhit të shoqërive të UK-ve në vetëm 12 muajt e fundit. 100 milionë euro më shumë borxhe ndaj OSHEE pas reformës që ndërmorri qeveria duke ja hequr menaxhimin bashkive dhe përqëndruar menaxhimin e UK-ve në nivel qëndror ministror.
“DËSHTIMI QEVERITAR ME UK-të RRITI BORXHIN NDAJ OSHEE ME 100 MILIONË EURO NË VETËM 12 MUAJ.
Vitin e kaluar qeveria ndërmorri politikën e përqëndrimit të menaxhimit të shoqërive të ujësjellës kanalizimeve, duke ja hequr këtë kompetencë 61 bashkive të vendit, me justifikimin se vetë qeveria do të ishte më e aftë të menaxhonte financiarisht këto shoqëri dhe se do reduktonte ndjeshëm borxhet e energjisë së papaguar ndaj OSHEE.
Por cfarë ndodhi realisht? A u ulën detyrimet e shoqërive të UK-ve për energjinë e papaguar ndaj OSHEE?
Fakt 1: Në 2023 borxhi i UK-ve ndaj OSHEE deklarohej nga Min.Financave në masën 260 milionë euro.
Fakt 2: Aktualisht, vetë Ministria e Financave konfirmon se ky borxh ka kapur vlerën e 360 milionë euro”, deklaron Teliti.
