Irani sulmon Izraelin, shi raketash në të gjithë vendin. Dy terroristë vrasin qytetarë në Tel Aviv

Irani sulmoi këtë mbrëmje Izraelin me një shi raketash, njl sulm që vetëm pak orë më parë e lajmëroi edhe SHBA.

Autoritetet izraelite kanë dhënë instruksione për popullatën në zona të caktuara të Izraelit, duke i orientuar të shkojnë në vendet e sigurta.

Ndërkaq ushtria iraniane e ka përshkruar sulmin.

“Sistemi mbrojtës ajror është në punë. Po intercepton kërcënimet edhe në këtë moment që po flas”, tha zëdhënësi i ushtrisë në një Televizioni shtetëror iranian ka përcjellë një deklaratë nga IRGC (Korpusi i Gardës Revolucionare Islamike) duke konfirmuar se “dhjetëra” raketa janë lëshuar drejt Izraelit dhe duke kërcënuar me një sulm tjetër nëse Izraeli përgjigjet.

Garda Revolucionare e Iranit e përshkruan sulmin me raketa si hakmarrje për vrasjen në korrik të liderit të Hamasit, Ismail Haniyeh, si dhe të liderit të Hezbollahut, Hassan Nasrallah, të premten dhe për vrasjen e popullit libanez dhe palestinez.

Garda tha se forcat e saj ajrore kishin shënjestruar “baza të rëndësishme” dhe do të njoftonte detajet më vonë.

Në të njëjtën kohë kur Irani nisi një sulm me raketa kundër Izraelit, një sulm terrorist ka tronditur Tel Avivin.

Në jug të kryeqytetit izraelit, është sulmuar një stacion tramvaji pranë Jaffa rreth orës 19:00 nga dy persona të armatosur që dolën nga treni i tramvajit dhe hapën zjarr në drejtim të qytetarëve.

Autoritetet deri më tani kanë konfirmuar gjashtë të vdekur dhe shtatë të plagosur nga sulmi, me katër prej tyre që janë në gjendje kritike për jetën.

Agresorët janë neutralizuar nga një qytetar dhe një roje sigurie që ndodheshin në vendngjarje dhe hapën zjarr ndaj tyre. Sakaq, kamerat e sigurisë kanë fiksuar momentin kur dy terroristët dalin nga treni dhe njëri prej tyre mban në duar një armë automatike. r.b

/DRONI.al/