Një oficer i lartë i policisë ka goditur sot me shpulla një protestues në rrugën Thumanë Kashar.
Ai është drejtor i Policisë Rrugore në Policinë e Shtetit, Altin Qato.
Fill më pas ka reaguar edhe kreu i opozitës, Sali Berisha.
“Dënoj sot me forcën më të madhe aktin banditesk të narko-komisar Qatos, i cili si një bandit i vërtetë goditi qytetarin që protestonte, që solidarizohej me protestën me të drejtë.
Me këtë rast, i them Edvin Gjipesë, se narko-komisari Qato ka fytyrën tënde, karakterin dhe moralin tënd.
Jeni turpi i dheut që të dy.
Garantoj narko-komisarin se për atë akt kriminal do marrë ndëshkimin që meriton.
Dhe se drejtësia vonon, por nuk harron”, deklaroi Berisha. m.k
